“Avey” Dövlət Tarix-Mədəniyyət qoruğunda 8 Noyabr – Zəfər Gününün beşinci ildönümü ilə əlaqədar bir neçə tədbir keçirilmişdir.
Qoruğun kiçik elmi işçisi Nağdalıyeva Tehran tərəfindən “8 Noyabr – Zəfərin sədası” adlı onlayn seminar təşkil olunmuşdur. Konfransda Mədəni İrsin Qorunması, İnkişafı və Bərpası üzrə Dövlət Xidmətinin tabeliyində fəaliyyət göstərən digər qoruqların əməkdaşları da iştirak etmiş, mövzu ətrafında fikir mübadiləsi aparılmışdır.
“Avey” Dövlət Tarix-Mədəniyyət qoruğunun ekskursiyaçıları Qazax rayonunun Çaylı kəndində yerləşən Elşən Cəfərov adına 2 saylı tam orta məktəbdə maddi-mənəvi dəyərlərimizin gənc nəslə tanıdılması məqsədilə 6-cı sinif şagirdləri üçün “8 Noyabr – Zəfər Günü” mövzusunda maarifləndirici dərs təşkil edilmişdir.
“Avey” Dövlət Tarix-Mədəniyyət qoruğunun inzibati binasında məktəblilərə ərazidə yerləşən tarixi abidələr və oradan tapılmış eksponatlardan ibarət sərgi nümayiş etdirilmişdir. Onlara slaydlar vasitəsilə şanlı tariximiz, zəfər günü və tarixi abidələr haqqında ətraflı məlumatlar verilmişdir.
“Avey” Dövlət Tarix-Mədəniyyət qoruğunun inzibati binasında “8 Noyabr – Tarixi Zəfərimiz” mövzusunda dəyirmi masa təşkil edilmişdir. Tədbirdə çıxış edən qoruq əməkdaşları Zəfər Gününün tarixi əhəmiyyətindən bəhs etmiş, Azərbaycanın müstəqilliyinin qorunması, möhkəmləndirilməsi və inkişafında Müzəffər Ali Baş Komandan İlham Əliyevin xidmətlərini vurğulamışlar.
“Avey” Dövlət Tarix-Mədəniyyət qoruğunda 8 Noyabr – Zəfər Gününün beşinci ildönümü ilə əlaqədar bir neçə tədbir keçirilmişdir