Qazax Rayon İcra Hakimiyyəti, “Avey” Dövlət Tarix-Mədəniyyət qoruğu və Bakı Dövlət Universitetinin Qazax filialının birgə təşkilatçılığı ilə 23-26 may 2023-cü il tarixlərində “Heydər Əliyev İli” çərçivəsində Ümummilli Lider Heydər Əliyevin anadan olmasının 100 illiyi münasibətilə keçirilən “Heydər Əliyev-əsrin lideri və mədəni irsimiz” adlı intellektual müsabiqənin təşkil edilməsində fəal iştirakına görə Bakı Dövlət Universitetinin əməkdaşı, dosent, Sənətşünaslıq elmləri doktoru Hacıyev İmaş Adışirin oğlu Qazax Rayon İcra Hakimiyyəti başçısının Fəxri Fərmanı ilə təltif olunub. Qeyd edək ki, İmaş müəllim Qazax-Ağstafa bölgəsində tarixi abidələrin tədqiqi ilə bağlı 15 ildən artıq fəaliyyət göstərir və bu gün də həmin istiqamətdə fəaliyyətini davam etdirməkdədir.
“Avey” Dövlət Tarix-Mədəniyyət qoruğunun kollektivi adından İmaş müəllimi təbrik edirik, işlərində uğurlar arzulayırıq.
“Heydər Əliyev İli” çərçivəsində Ümummilli Lider Heydər Əliyevin anadan olmasının 100 illiyi münasibətilə keçirilən “Heydər Əliyev-əsrin lideri və mədəni irsimiz” adlı intellektual müsabiqənin təşkil edilməsində fəal iştirakına görə Bakı Dövlət Universitetinin əməkdaşı, dosent, Sənətşünaslıq elmləri doktoru Hacıyev İmaş Adışirin oğlu Qazax Rayon İcra Hakimiyyəti başçısının Fəxri Fərmanı ilə təltif olunub