“Avey” Dövlət Tarix-Mədəniyyət Qoruğunun inzibati binasında AMEA A.A. Bakıxanov adına Tarix və Etnologiya İnstitutunun Qazax-Ağstafa etnoqrafik ekspedisiyasının əməkdaşları Tarix və Etnologiya İnstitutunun böyük elmi işçisi, tarix üzrə fəlsəfə doktoru, dosent İsmayıl Umudlu və tarix üzrə fəlsəfə doktoru, dosent Bəhmən Faziloğlunun iştirakı ilə dəyirmi masa təşkil edilmişdir.
Dəyirmi masada Qazax-Ağstafa bölgəsinin maddi və mənəvi mədəni irsinin öyrənilməsi, qorunması və gələcək nəsillərə ötürülməsi yolları müzakirə olunmuşdur. Tədbirdə bölgədə aparılan son etnoqrafik və arxeoloji tədqiqatların nəticələri, yerli əhalinin mədəni ənənələri, təsərrüfat həyat tərzi, dini inancları və mərasimləri barədə fikir mübadiləsi aparılmışdır.
Bununla yanaşı, “Avey” Dövlət Tarix-Mədəniyyət Qoruğunun fəaliyyət istiqamətləri, abidələrin tədqiqi və bərpası, qoruq ərazisində turizmin inkişafı imkanları müzakirə olunmuşdur.
Dəyirmi masa çərçivəsində gələcək əməkdaşlıq imkanları, birgə ekspedisiyaların təşkili, elmi nəşrlərin hazırlanması və beynəlxalq elmi əlaqələrin genişləndirilməsi məsələləri də gündəmdə olmuşdur.
Tarix və Etnologiya İnstitutunun böyük elmi işçisi, tarix üzrə fəlsəfə doktoru, dosent İsmayıl Umudlu və tarix üzrə fəlsəfə doktoru, dosent Bəhmən Faziloğlunun iştirakı ilə dəyirmi masa təşkil edilmişdir