AMEA-nın Arxeologiya və Antropologiya İnstitutu tərəfindən Tovuz rayonunda yerləşən Göytəpə yaşayış abidəsində həyata keçirilən arxeoloji qazıntıları izləmək məqsədilə “Avey” Dövlət Tarix-Mədəniyyət qoruğunun əməkdaşları Neolit dövrünə aid bu qədim məskəndə olublar. Səfərin əsas məqsədi Azərbaycanın zəngin tarixi irsinin öyrənilməsi, arxeoloji tədqiqatların gedişatı ilə yerində tanışlıq və elmi əməkdaşlığın möhkəmləndirilməsi olub.
Görüş zamanı iştirakçılar aparılan arxeoloji qazıntılar barədə ətraflı məlumat alıb, arxeoloqlarla fikir mübadiləsi aparıblar. Qoruq əməkdaşları ilə arxeoloqlar arasında keçirilən müzakirələrdə abidənin qorunması, ictimaiyyətə daha geniş şəkildə tanıdılması və gələcəkdə beynəlxalq əməkdaşlıq əsasında birgə layihələrin reallaşdırılması perspektivləri diqqət mərkəzində olub.
“Avey” Dövlət Tarix-Mədəniyyət qoruğunun əməkdaşları AMEA-nın Arxeologiya və Antropologiya İnstitutu tərəfindən Tovuz rayonunda yerləşən Göytəpə yaşayış abidəsində həyata keçirilən arxeoloji qazıntıları izləmək məqsədilə Neolit dövrünə aid bu qədim məskəndə olublar